U arrestua nga policia një ditë më parë duke drejtuar automjetin në gjendje të dehur, kandidati i LSI për qarkun e Elbasanit Sokol Skura është paraqitur në gjykatë për masën e sigurisë. Pas shqyrtimit të dokumentacionit të parqitur nga organi I akuzës Gjykata e Elbasanit ka vendosur masën e sigurisë “Detyrim paraqitje” për Skuran. Ndaj tijrëndon akuza për drejtim mjeti në gjendje të dehur. Ai u ndalua nga patrrulla e policisë në aksin rrugor Elbasan-Librazhd gjatë natës së të dielës dhe gjatë testit të alkoolit ka rezultuar se kishte konsumuar alkool dhe u bë ndalimi në kushtet e flagrancës për thyerje të rregullave të qarkulimit. Burime nga policia Elbasan bëjnë me dije se 42 vjeçari Skura edhe në vitin 2015 është arrestuar nga policia, pasi ka shkaktuar një aksident me pasojë vdekjen e një kalimtari. Edhe në atë rast Sokol Skura ka qenë duke drejtuar mjetin në gjendje të dehur. Kodi penal parashikon dënimin nga 10 ditë deri në 3 vjet burg në rast drejtimi të mjetit në gjendje të dehur. Në listën zyrtare të publikuar nga LSI një ditë më parë Skura rezulton të jetë I pesti në renditjen e kandidatëve për deputetë. Sokol Skura i larguar nga Partia Socialiste në vitin 2015, është akuzuar edhe për korrupsion në skandalin e grabitjes së rreth 500 milionë lekëve nga Fondi i Rimbursimit të Barnave.