Presidentja e Kosovës Vjos osmani Osmani deklaroi se askush nuk ka marrë vendime për të, as Isa Mustafa kur ishte pjesë e LDK-së dhe as Albin Kurti. E ftuar në “Top Story”, Osmani i ka konsideruar akuzat mbi identitetin e saj politik si seksiste. Kur isha në LDK më thonin që kjo nuk merr vendime vetë, i merr Isa Mustafa për të. Kur më përjashtuan nga LDK, sepse nuk dola vetë, dikush tjetër nga burrat merr vendime për të. Tani që jam Presidente dhe njeriu më i votuar në politikën kosovare, në historinë e shtetit tonë, thonë kjo nuk merr vendime vetë i merr Albin Kurti për të. Nga koha kur Albin Kurti dhe LVV nuk ishin fare në parlament, por ishin thjeshtë një lëvizje jashtë Kosovës, qoftë qëndrimet e mija për vettingun, qoftë për dialogun me Serbinë, apo raportin ekzistencial me Shtetet e Bashkuara, unë i sfidoja të gjithë. Le ta tregojnë se cili nga qëndrimet e mija që kam mbajtur para se të hynte Albin Kurti në Parlament kanë ndryshuar. Unë i mbroj qëndrimet e njëjta me Kurtin, por për faktin se jam grua, askush nuk thotë që Kurti ka qëndrime të njëjta si Vjosa Osmani, por e kundërta. Osmani rrëfeu se modeli i saj politik është ish-Presidenti i ndjerë i Kosovës, Ibrahim Rugova.