Kalon vetingun Flora Hajredinaj, gjyqtarje e Gjykatës së Posaçme kundër krimit dhe korrupsionit e cila është dhe pjesë e trupit gjykues që ka në dorë gjykimin e dosjes së ish ministrit të Brendshëm Saimir Tahiri. Komisioni i Pavarur i Kualifikimit dha sot vendimin për konfirmimin në detyrë të gjyqtares. Kjo ishte shkalla e parë e përballjes së gjyqtares dhe mbetet për t'u parë nëse do të ankimohet ose jo një vendim i tillë nga ana e Komisionerit Publik. Gjyqtarja Flora Hajredinaj e Gjykatës së Posaçme kundër Korrupsionit dhe Krimit të Organizuar u përball të mërkurën më 7 tetor në Komisionin e Pavarur të Kualifikimit me gjetjet e të tre kritereve të rivlerësimit. Procesi i vetingut për Hajredinajn u krye nga Brunilda Bekteshi kryesuese, Olsi Komiçi relator dhe Firdes Shuli anëtare. Në cilësinë e vëzhguesit ndërkombëtar ishte i pranishëm Gerrit Spregner.