Deputetja Albana Vokshi u paraqit në SPAK për të dëshmuar lidhur me kallëzimin penal depozituar nga opozita për kryebashkiakun e Kuçovës, Kreshnik Hajdarin. Vokshi pretendon se Hajdari ka shpërdoruar detyrën dhe ka kanosur pjesëmarrësit në zgjedhjet e 14 majit. Vokshi: “Hajdari ka shfrytëzuar burimet financiare dhe burimet njerëzore të bashkisë për përfitime elektorale. Ka disa video dhe prova që provojnë faktin që është shtruar asfalt elektoral dhe projekte pa tabelë në disa zona pa asnjë standart. Kanë qenë vetë banorët e zonës që kanë ndalur këto punime sepse po bëheshin pa standarte. Ndërsa punimet janë bërë me dyfishin e vlerës. Ka video dhe prova konkrete ku shpërndahen thasët me miell derë më derë” Nën pretendimin se SPAK nuk po reagon për atë që koalicioni “Bashkë Fitojmë” e quan masakër elektorale, Vokshi u shpreh se është ngitur një grup pune për ta çuar çështjen në duart e misionit ndërkombëtar të OSBE ODHIR.