E ardhmja e Serbisë dhe e Kosovës është dialogu dhe njohja mes këtyre shteteve. Raportuesja e Parlamentit Europian për Kosovën, Viola von Cramon-Taubadel e sheh veten edhe si "lobistja e Kosovës në Europë". Ai i mëshon idesë së dialogut më Serbinë, për të cilin thotë se duhet të ngjitet në listën e prioriteteve të kryeministrit Albin Kurti. Kur bëhet fjalë për disa nga pikëpamjet e mëparshme të Albin Kurtit, Von Cramon-Taubadel dhe raportuesi i dytë i BE-së për Kosovën, Lukas Mandl, deputet austriak i Partisë Popullore, kritikojnë "nacionalizmin populist" të tij të mëparshëm. Megjithatë theksojnë se ai ka kohë që e ka kapërcyer këtë dhe është shndërruar në një politikan të moderuar. Kjo u pa gjithashtu gjatë fushatës zgjedhore, ku tema e një "Shqipërie të Madhe" nuk luajti asnjë rol. Duke komentuar faktin se partia e Kurtit Vetëvendosje po hap degët e saj edhe në Shqipëri dhe Maqedoninë e Veriut, von Cramon-Taubadel beson se kjo nuk është veçanërisht e rëndësishme dhe thotë se në këtë drejtim ajo është "e relaksuar". Nga ana tjetwr, të dy raportuesit janë shumë të qartë se BE ka dështuar, veçanërisht kur bëhet fjalë për liberalizimin e vizave për qytetarët e Kosovës. Kosova i ka plotësuar të gjitha kushtet për liberalizimin e vizave, Parlamenti Evropian vazhdimisht e ka kërkuar këtë liberalizim, por disa vende, kryesisht Franca, po e bllokojnë këtë process, e kjo natyrisht që ka shkaktuar zhgënjim të madh. Nëse duam të inkurajojmë Kosovën të shkojë drejt dialogut dhe marrëveshjes me Serbinë, ata duhet të përfitojnë diçka, thekson Viola von Cramon-Taubadel.