Ishujt e Kiribatit dhe Samoas, në oqeanin Paqësor, kanë hyrë në izolim pas konfirmimit të disa rasteve të koronavirusit, të eksportuara nga jashtë, që i dhanë fund dy viteve thuajse të paprekur nga pandemia. Deri në fillim të këtij muaji, Kiribati nuk kishte regjistruar asnjë rast pozitiv ndërsa Samoa, vetëm dy. Sipas OBSH, rreth 62 për qind e popullatës në Samoa është plotësisht e vaksinuar, ndërsa rreth 34 për qind e popullatës në Kiribati, i është nënshtruar një vaksinimi të dyfishtë. Tani, autoritetet në të dyja ishujt janë detyruar të ndërmarrin edhe një seri masash kufizuese pasi dhjetëra pasagjerë në një fluturim drejt Kiribatit, të nisur nga ishujt Fixhi, të parët që hynë në vend pas rihapjes së kufijve, kanë rezultuar pozitivë për virusin.