Qeveria belge ka rënë dakord të votojë për vendosjen në të gjithë vendin të javës katër ditëshe të punës. Qeveria federale do të shqyrtojë propozimin javën tjetër në atë që është edhe lëvizja më e fundit drejt një të ardhmeje pune më fleksibël në evropë. Një testim i fundit i kryer në Irlandë, më herët këtë vit, bëri që nëntë në 10 punonjës islandezë të rinegocionin kontratat me më pak orë. Ndërkohë që një numër kompanish në spanjë po testojnë javën katër ditëshe të punës pasi propozimi i një partie të vogël u pranua nga qeveria vitin e shkuar. Por, ka shqetësime në belgjikë pasi planet e qeverisë flasin për më shumë orë pune në më pak ditë pune, në mënyrë që njerëzit të marrin ditën shtesë të pushimit. Ndërsa të gjitha partitë politike kanë rënë dakord të diskutojnë propozimin për javën e punës me katër ditë, nuk po diskutohet për reduktimin e numrit të orëve të punës në javë. Parlamenti ndërkohë pritet të mbështesë 38-40 orë pune në javë për punonjësit dhe kështu do të kishte shtimin e orarit ditor të punës nga 8 në 9.5 orë, në këmbim të tre ditëve pushim në fundjavë.