Thuajse gjysma e izraelitëve duan që pushtimi i gazës të mos ndodhë, sipas një sondazhi të publikuar të premten, në atë që mund të tregojë një rënie të ndjeshme të mbështetjes për kundrofensivën e fazës së ardhshme kundër Hamasit. Izraeli ka premtuar se do të asgjësojë Hamasin si reagim ndaj militantëve palestinezë që vranë dhe rrëmbyen njerëz në komunitetet jugore të vendit, më 7 tetor. Të pyetur nëse ushtri duhet të kalojë menjëherë në një operacion tokësor të shkallës së gjerë në gaza, 29 për qind e izraelitëve thanë po ndërsa 49 për qind thanë se do të ishte më mirë të pritej edhe pak. Ndërkohë 22 për qind ishin të pavendosur. Hamasi liroi katër pengje, javën e kaluar në mesin e përpjekjeve nga vendet rajonale që po ndërmjetësojnë për të siguruar një lirim të të gjithëve. Hamasi thotë se rreth 50 pengje janë vrarë në sulmet izraelite në gaza. Ndërkohë një grua e liruar së fundmi, tha se ishin mbajtur në tunelet nëntokëosre të Gazas bashkë me dhjetëra të tjerë.