Ministri izraelit i Mbrojtjes, Israel Katz ka lëshuar një ultimatumin e fundit ndaj Hamasit, duke kërkuar dorëzimin e menjëhershëm të të gjithë pengjeve. “Na duhen vetëm dy gjëra nga Hamasi, dhe ata nuk do t’i japin vullnetarisht të lirojnë të gjithë pengjet dhe të çarmatosen”, tha Katz gjatë një vizite në selinë e Divizionit të 162-të, forcat e të cilit aktualisht po operojnë në Gaza, raportohet nga Times of Israel. “Ne duam të marrim kontrollin e Qytetit të Gazës sepse sot është simboli kryesor i qeverisjes së Hamasit. Sot, nëse Gaza bie… edhe Hamasi do të bjerë”, tha ai. Katz paralajmëroi se nëse kërkesat nuk plotësohen, Gaza do të shkatërrohet brenda orëve të ardhshme. Situata është shqetësuese për familjet e 48 pengjeve, prej të cilëve 20 besohet se janë ende gjallë, pas më shumë se dy vitesh në duart e Hamasit. Operacioni tokësor i ushtrisë izraelite në Rripin e Gazës është në fazën më intensive, ndërkohë që forcat ajrore po ndërmarrin sulme të reja në rajone përtej kufirit, përfshirë edhe Jemenin.