Izraeli ka vënë në funksion një sistem të ri mbrojtjeje ajrore me energji lazer, të quajtur Iron Beam, raporton The Times of Israel. Një risi kjo që e bën Izraelin vendin e parë në botë që disponon një teknologji të tillë në nivel operacional. Ministria izraelite e Mbrojtjes njoftoi se sistemi iu dorëzua zyrtarisht Forcave Ajrore gjatë një ceremonie në veri të vendit. “Për herë të parë globalisht, një sistem interceptimi me lazer me fuqi të lartë ka arritur pjekuri të plotë operacionale, duke realizuar me sukses disa ndërhyrje”, deklaroi ministri i Mbrojtjes, Israel Katz që e cilësoi zhvillimin si një “mesazh strategjik” për kundërshtarët e Izraelit.