Italia do të vendoset nën një izolim në shkallë kombëtare për fundjavën e pashkës, ndërkohë që vendi po përpiqet të ndalë një shpërthim të ri rastesh të koronavirusit dhe shtrimesh në spital. Dyqanet jo të domosdoshme do të mbyllen në të gjithë vendin nga 3 prilli deri më 5 prill dhe në këto ditë, italianët do të mund të dalin nga shtëpitë vetëm për punë dhe arsye shëndetësore apo emergjence. Kryeministri Mario draghi thirri një mbledhje emergjente të kabinetit për të diskutuar masat, nga e cila u vendos që vendi do të jetë i blinduar për festën e pritshme të pashkës, dhe i gjithë vendi do të jetë zonë e kuqe nga data 3 deri në 5 prill. Ndërkohë që kufizimet e reja anti covid do të jenë të vlefshme nga 15 marsi deri në 6 prill. Ekonomia e tretë më e madhe e eurozonës raportoi një ditë më parë rreth 26 mijë raste të reja anti covid dhe 373 viktima. Më shumë se 100 mijë viktima ka shkaktuar koronavirusi në itali që kur pandemia përfshiu vendin një vit më parë duke imponuar një izolim disa mujor dhe duke shkaktuar edhe një nga recesionet më të rënda që nga lufta e dytë botërore. Me variantet e reja më infektuese të virusit, rajonet më të populluara të Italisë, në veri, si Lombardia, që përfshin edhe Milanon, do ti bashkohen të tjerëve që janë klasifikuar si zona me rrezik të lartë, ose zona të kuqe, që nga e hëna, ashtu sic do të bëjë edhe kalabria në jug. Lazio, rajoni që përfshin Romën, do ti bashkohet atyre edhe pse situata është pak e paqartë. Rajone të tjera mes të cilëve Toskana dhe Liguria do të kalojnë në zona portokalli, ku dyqanet, muzetë, baret dhe restorantet mbyllen. Kjo e lë sicilinë të vetme në kategorinë më të ulët, zonë e verdhë, dhe sardenjën në kategorinë e re, zonë e bardhë, pa thuajse asnjë kufizim. Italia e nisi fushatën e vaksinimit në fund të dhjetorit por ashtu si edhe pjesa tjetër e evropës, ajo është shënjuar nga vonesa në shpërndarjen e vaksinave. Shqetësimet mbi efektet e mundshme anësore të vaksinës së astrazeneca-s, bënë që rregullatori italian i ilaceve të enjten të pezullonte dhënien e dozave. Tre vdekje të dyshimta janë regjistruar në sicili tek persona që kishin marrë vaksinën e astrazeneca-s dhe autoritetet kanë nisur hetimin për një lidhje të mundshme. Ministri i shëndetësisë, Roberto Speranca sidoqoftë ka siguruar se të gjitha vaksinat e përdorura në itali janë efikase dhe të sigurta.