I penduari i mafias kalabreze, Antonio Guastalegname dorëzoi në duart e antimafias italiane një dëshmi, që implikon në rrjetin e narkotrafikut, një politikan shqiptar me influencë të madhe në vend, por në pamundësi për të kujtuar emrin e politikanit që i referohet. Top News siguroi dosjen e plotë prej 60 faqesh të prokurorisë italiane, ku zbardhen detajet, episode dhe fijet që lidhin politikanin shqiptar në rrjetin e narkotikëve. I vënë përballë një albumi fotografik me personat me precedent penal, Guastalegname ka ndalur për pak çaste para fotos me numër 16 ku shfaqej portreti i Valerio Navarras, italiani që kishte siguruar mbështetjen e qeverisë shqiptare. “Në foton numër 16, shoh Valerio Navarra-n. Jam në dijeni të faktit se përsa i përket narkotrafikut në bashkëpunim me shqiptarë, këta të fundit kishin mbështetjen e qeverisë shqiptare, dhe nëse nuk gaboj bëhej fjalë për një të ministër të korruptuar, më duket se ai i Drejtësisë, ose i Brendshëm. Ose një personazh me ndikim të fortë politik në Shqipëri. Nëse nuk e kam gabim, ka mundësi të ishte një i afërm i tij me mbiemrin Taraj. Këtë e kam parë kur takohesha me Eduardin ose Robertin, po nuk ia kujtoj se si e ka emrin fiks. Se më kërkonin që për transportin Firenze-Bologna, të merresha unë direkt, pa ndërmjetës.