Tre persona kanë rënë në prangat e policisë si dhe një tjetër është vënë në masën e sigurisë arrest në shtëpi, pasi sipas hetimeve, të dyshuarit kanë bashkëpunuar për të falimentuar qëllimisht shtatë subjekte tregtare të fushës së fasonerisë, me qëllim shmangien e pagesës së detyrimeve tatimore dhe fiskale. Seksioni për Hetimin e Krimeve Ekonomike dhe Financiare në policiinë e Elbasanit, në bashkëpunim me Prokurorinë e Elbasanit, kanë ekzekutuar masën e sigurisë "Arrest në burg" për tre administatorët, njëri shtetas shtetas italian, ky i fundit i ndaluar në Pikën e Kalimit Kufitar të Rinasit, në tentativë për t’u larguar nga Shqipëria. Sakaq është vënë masa e sigurisë "Arrest në shtëpi" për një ekonomiste, e dyshuar për përfshirje në aktivitetin kriminal. Katër të dyshuarit akuzohen për një skemë të mirëorganizuar mashtrimi financiar. Të katërt këta persona akuzohen për kryerjen e veprave penale "Mospagimi i taksave dhe tatimeve", "Falimentimi i provokuar", "Mashtrimi", "Shpërdorimi i kompetencave", si dhe “Fshehja e të ardhurave”. Gjithashtu, është vendosur sekuestro preventive mbi 7 subjektet fasoneri dhe 12 llogaritë bankare të tyre. Hetimet vijojnë me qëllim identifikimin dhe ndjekjen penale të personave të tjerë të përfshirë në këtë aktivitet kriminal.