Senati ka miratuar reformën kushtetuese që u jep 18-vjeçarëve të drejtën e votës për të zgjedhur senatorët. Me këtë votim, parlamenti miratoi përfundimisht reformën që do të shpallet pas tre muajsh, dhe do të shpallë një referendum konfirmues, meqë nuk u arrit shumica me dy të tretat e votave. 178 senatorë votuan pro reformës, 15 votuan kundër dhe 30 abstenuan. Reforma do të hyjë në fuqi që në zgjedhjet e ardhshme politike. Në këtë mënyrë, kujtoi relatori Dario Parrini, president i Komisionit të Çështjeve Kushtetuese, të dyja dhomat do të kenë të njëjtën bazë elektorale dhe për këtë arsye të njëjtat shumicë politike. Pothuajse 4 milion të rinj, të moshave nga 18 deri 24 vjeç, do të përfshihen në këtë ndryshim kushtetues duke fituar elektoratin aktiv për Senatin. Një nen i vetëm për të eleminuar nga paragrafi i parë i nenit 58 të Kushtetutës fjalët "nga votuesit që kanë kaluar moshën njëzet e pesë", duke zgjeruar kështu audiencën e elektoratit aktiv të Senatit. Ndërkohë, u hodh poshtë propozimi për uljen e moshës së duhur për t'u zgjedhur senator. Rregulli për t'u bërë senator nuk ndryshon: mosha minimale e kërkuar që të jesh kandidat dhe të zgjidhesh, është 40 vjec.