Italia dhe mënyra se si ajo e menaxhoi krizën e koronavirusit është një burim frymëzimi për vendet e tjera që po mësojnë dhe po veprojnë mbi bazën e eksperiencës së saj, thotë Organizata Botërore e Shëndetësisë. Por, vendi tani po ndjehet thuajse i rrethuar, pasi kurba e infektimeve me koronavirus në evropë duket vërtetë shqetësuese. Belgjika ka njoftuar tashmë valën e dytë. Numri i infeksioneve atje është në rritje dhe nuk bëhet fjalë për një rritje të vogël. Sipas të dhënave të autoriteteve belge të shëndetësisë, numri mesatar i infektimeve është rritur në 517 në ditë, mes 25 dhe 31 korrikut, një rritje kjo 60 për qind krahasuar me javën e mëparshme. Në gjermani vazhdon të rritet numri i rasteve. Instituti roberth Koch ka bërë të ditur se 870 raste të reja janë konfirmuar 24 orët e shkuara dhe thotë se vendi është tashmë në një valë të dytë të vogël. Shqetësuese është situata në rumani, më i godituri mes vendeve ballkanikë, me 1232 raste të reja në 24 orët e fundit, që e cojnë totalin në 55241. Nuk zbutet ndërkohë alarmi edhe për shtimin e rasteve në spanjë. Italia, që tenton rikthimin e ngadaltë dhe të kujdesshëm në normalitet, konfigurohet tashmë si një nga vendet më të sigurta në kontinentin e vjetër pasi ka qenë për muajsh epiqendra e pandemisë në evropë. Në francë, presidenti emmanuel macron ka lëshuar apelin e radhës për përdorimin e maskave që shpejt mund të bëhen edhe të detyrueshme në paris. Evropa është mbërthyer nga frika dhe po përgatitet edhe një herë, në mënyrë të paorganizuar, të përballet me armikun e padukshëm, që sipas sinjaleve do të kthehet fuqishëm para vjeshtës. Ndërsa situata në evropë përkeqësohet, virologët dhe ekspertët italianë janë të ndarë për rrezikun konkret që një fazë e dytë e epidemisë mund të gadasë vendin. Për disa ekspertë, ky skenar nuk është i pashmangshëm ndërsa ekspertë të tjerë janë kritikë dhe pohojnë se mungon një plan aksioni për të përballuar një emergjencë tjetër të lidhur me koronavirusin e ri.