Dy shqiptarë në kërkim që prej muajit qershor dhe pjesë e një bande të shfrytëzimit të prostitucionit dhe trafikun e drogës janë arrestuar në kuadër të operacionit Telepass. Midis nëntë të dyshuarve, ndaj të cilëve kishte një urdhër arresti të lëshuar nga Gjykata e Reggio Emilias me kërkesë të Prokurorit në përputhje me rezultatet hetimore të efektivëve të njësisë operacionale të Castelnovo Monti, 5 persona nuk u lokalizuan në kohën e ekzekutimit të urdhër ndalimit, dy prej tyre janë arrestuar tani. Bëhet fjalë për 32-vjeçarin Erjon Hysenaj, i arrestuar ditët e fundit nga policia kufitare e aeroportit Bergamo ku mbërriti nga Shqipëria dhe 26-vjeçari Haxhi Mulaj, me vendbanimin e tij të fundit në Reggio Emilia, por, në fakt, i pagjurmueshëm, i arrestuar nga karabinierët e njësisë operacionale të Castelnovo Monti. Të dy ishin në kërkim në të gjithë territorin kombëtar italian.