Ishujt Marshall, një nga të paktat vende të globit që nuk ishin prekur nga covid 19, ka regjistruar dy rastet e para pozitive të virusit. Qeveria e arqipelagut të largët në Paqësor, tha se dy punonjës në një bazë ushtarake amerikane kishin rezultuar pozitivë pasi kishin ardhur nga Hauëai, të martën. Të dy ata kishin fluturuar me një avion ushtarak dhe ishin izoluar nga komuniteti në mbërritje. Ishujt marshall mbyllën kufijtë në mars për ta mbajtur larg virusin. Autoritetet nënvizuan se të dy rastet janë konfirmuar ndërsa ata ishin në karantinë dhe nuk ka rrezik për transmetim në komunitet. Pjesa më e madhe e ishujve të paqësorit mbyllën kufijtë e tyre ditët e para të pandemisë, në mesin e shqetësimeve se sistemet e tyre të dobëta shëndetësore nuk do të mund të përballonin një shpërthim infektimesh. Në qershor, ishujt marshall zbutën kufizimet për të lejuar kryesisht punonjësit e bazës ushtarake amerikane të hynin në vend, por me një karantinë tre javore në bazë. Kiribati, Micronesia, Nauru, Palau, Samoa, Tonga, Tuvalu dhe Vanuatu besohet se janë ende të paprekur nga virusi.