4 persona të shpallur në kërkim për vepra të ndryshme penale, kanë rënë në pranga gjatë operacionecve të organizuara nga komisariatet e policisë së Kolonjës dhe Pogradecit. efektivët e policisë së Kolonjës në bazë të informacione të siguruara në rrugë operative, bënë ndalimin e një 35 vjeçari nga Erseka, pasi Gjykata e Rrethit Gjyqësor Korçë, e ka dënuar me 3 vjet burg për veprën penale "Mashtrimi" kryer më shumë se një herë. Po ashtu nga specialistët për Hetimin e Krimeve në Komisariatin e Policisë Pogradec, në bashkëpunim me Stacionin e Pikës së Kalimit Kufitar Morinë, u bë ndalimi i shtetasit me inicalet G. H., 43 vjeç, banues në fshatin Çërravë, Pogradec, pasi Gjykata e ka dënuar me 3 vjet burg, për veprën penale "Ndihma për kalim të paligjshëm të kufijve". Ndërsa në bashkëpunim me shërbimet e Stacionit të Policisë Fushë-Krujë, u bë ndalimi i shtetasit i një 34 vjeçari, nga Fushë-Kruja, pasi Prokuroria e Pogradecit, ka urdhëruar ndalimin e këtij shtetasi, për veprat penale "Ndihma për kalim të paligjshëm të kufijve" dhe "Mosbindja ndaj urdhrit të punonjësit të policisë së rendit publik", në lidhje me ngjarjen e ndodhur në 11shtator 2020, në vijim të operacionit policor "Perimetri", ku 34-vjeçari, duke qarkulluar me një mjet tip "Benz", me të cilin po transportonte emigrantë të paligjshëm, nuk iu bind urdhrit të punonjësve të Policisë për të ndaluar në hyrje të qytetit të Pogradecit, por u largua dhe braktisi mjetin në afërsi të fshatit Hudënisht. Gjithashtu u bë ndalimi edhe i shtetasit tjetër nga Pogradeci, i dënuar më parë për vjedhje), pasi dyshohet të ketë kryer një tjetër vjedhje në një komapani celulare. Materialet në ngarkim të tyre i kaluan Prokurorive të Korçë e Pogradec, për veprime të mëtejshme.