Ish kryeministri Italian Silvio Berlusconi është filmuar së fundmi në stadium, nën shoqërinë e të dashurës së tij 32 vjecare Marta Fascina. Mesa duket 85 vjecari i ka lënë pas problemet shëndetësore, ndërsa ka zgjedhur të shijojë ndeshjen në stadium me të dashruën e tij. Ish-presidenti i Milanit dukej përsëri në formë teksa shihte ndeshjen të shtunë në stadium së bashku me partneren e tij shumë më të re se vetja. Lajmi dhe pamjet e filmuara, pushtuan mediat italiane, ku Berlusconi dukej mjaft në formë në krah të të dashurës së tij. Ndërkohë ai ka ka dalë edhe në një konferencë të improvizuar për shtyp ku nuk mund të mungonin komentet për kuqezinjtë. Ish kryeministri gjatë konferencës tha se e kishte traditë që kur Milani luante, ai para ndeshjeve shkonte te dhomat e zhveshjeve për t’u dhënë lojtarëve shtysën e duhur. Dhe pastaj kthehej pas ndeshjes për t’u bërë komplimente dhe për të komentuar.