Aksidentet ujore kanë qenë jo të pakta gjatë këtyre muajve të sezonit veror, kjo bëri që policia kufitare e Vlorës ara pak javësh të niste një aksion për kontrollin e dokumentacionit të të gjitha mjeteve lundruese , që nga motorët e detit deri tek mjete lundruese të shpejta tip skaf apo gomone. Pesë mjete lundruese “Jet ski” janë bllokuar gjatë korrikut, ndërsa janë ndëshkuar me gjobë 25 drejtues, të cilët kanë kryer manovra të rrezikshme, duke rrezikuar jetën e pushuesve. Si rezultat i kontrolleve, drejtuesit e këtyre mjeteve lundruese, kryesisht “Jet ski” janë ndëshkuar me masë administrative 10.000 lekë. Nga ana tjetër, vetëm në 24 orët e fundit janë gjobitur dy drejtues dhe u janë bllokuar mjetet lundruese, pasi kryenin manovra të rrezikshme në plazhin e Ksamilit. Personat e gjobitur sot janë një banues në Sarandë dhe shtetas tjetër banues në Tiranë. Kujtojmë se vendi ynë po përballet prej javësh me aksidente me mjete lundruese në bregdetin e vendit tonë. Një 40-vjeçar përplasi gomone një 7 vjeçar në plazhin e Jonufrës në Vlorë Pasi u arrestua, ai u la i lirë këtë të premte. Gjykata e Shkallës së Parë të rrethit gjyqësor Vlorë, vendosi masën “Detyrim paraqitje” ndaj Andis Korreshit.