Dy vëllezër u ekzekutuan me armë zjarri këtë të martë në fshatin Kurjan të Roskovecit. Gramoz dhe Lavdimir Kurtaj të moshës 52 dhe 46-vjeç u qëlluan me breshëri plumbsh nga bashkëfshatari I tyre, 49-vjeçari Altin Kika. Krimi ndodhini rreth orës 14:00, ndërsa shkak u bë një grindje mes fëmijëve e ndodhur një ditë para ngjarjes. Altin Kika shkoi për t’u sqaruar drejt lokalit të vogël në pronësi të Gramozit, I cili ndodhej së bashku me të vëllain. Por situata agravoi në ofendime dhe më pas në përplasje fizike mes tyre. 49-vjeçari I cili dyshohet se nuk ishte I vetëm shkoi në makinë mori një armë zjarri automatike e më pas qëlloi në drejtim të vëllezërve Kurtaj. Si pasojë e të shtënave njëri prej tyre ndërroi jetë në vend ndërsa tjetri në spital. Pas ngjarjes autori shkoi në komisariatin e fierit ku u vetëdorëzua. Ky është momenti kur ai shoqërohet nga efektivët.