Një adoleshent italian, i lindur në britani, që ia dedikoi jetën e tij të shkurtër përhapjes së besimit online dhe ndihmonte të varfërit, është lumturuar nga kisha katolike të shtunën. I riu i fiksuar pas internetit dhe kompjuterave, Carlo Acutis, që vdiq nga leucemia në 2006 në moshën 15 vjecare, u fut në rrugën e shenjtërimit pasi Vatikani vendosi se ai kishte shpëtuar me një mrekulli jetën e një djaloshi tjetër. Pas lumturimit, nevojitet edhe një mrekulli tjetër që ai të bëhet shenjti i parë në botë i lindur këtë mijëvjecar. Vatikani pretendon se ai kishte ndërhyrë nga parajsa në 2013, për të kuruar një djalë brazilian që vuante nga një lloj i rrallë sëmundjeje pankreatike. Ceremonia e lumturimit u mbajt në Assisi, qytetin e shenjtit të preferuar të adoleshentit, Shën Francesku, që ia dedikoi jetën të varfërve. Acutis, që quhej edhe cuber-apostulli i Eukaristisë, kishte lindur në londër nga prindër italianë dhe ishte zhvendosur në milano kur ishte i vogël. Ai konsiderohej një gjeni në kompjuter dhe kishte krijuar një faqe interneti mbi mrekullitë. Ai kishte paralajmëruar edhe bashkëmoshatarët se interneti mund të ishte në të njëjtën kohë një mallkim dhe një bekim. Papa Francesku iu referua atij vitin e shkuar, kur paralajmëroi të rinjtë se rrjetet sociale mund të ndiznin urrejtjen.