Prokuroria e Rrethit Gjyqësor Tiranë në bashkëpunim me Drejtorinë Vendore të Policisë Tiranë kanë sekuestruar një sasi të madhe parash me vlerë miliona euro, të cilat i përksinin shtetasit Dritan Beti dhe disa personave të tjerë të cilët kishin lidhje me këtë të fundit. Autoritetet bëjnë me dije se gjatë hetimit të kryer, ka rezultuar se Dritan Beti është I dënuar për veprën penale të trafikimit të lëndëve narkotike në Itali, nga Gjykata e Ankonës. Policia ka arritur të zbulojë dhe të sekuestrojë pasuri të paluajtshme dhe të luajtshme si apartamente, makina etj. Prokuroria e Rrethit Gjyqësor Tiranë vijon hetimet e mëtejshme në lidhje me rastin, por dhe për raste të tjera me qëllim kryerjen e veprimeve të duhura në hetimin e veprave penale që lidhen me pastrimin e parave dhe zbatimin e ligjit Antimafia. 50 vjecari u vu në pranga me datë 11 nentor të vitit 2020 me qëllim ekstradimin drejt Italisë. Ky shtetas ishte shpallur në kërkim ndërkombëtar, pasi Gjykata e Ankonës, Itali, e ka dënuar me 8 vite burg, për veprën penale “Trafikim i narkotikëve”.