Policia e Vlorës vuri në pranga 45 vjecari Edmond Panaori, si i shpallur në kërkim për kryerjen e veprës penale vrasje me dashje. Panaori ishte shpallur në kërkim pasi në vitin 1996 vrau me armë të ftohtë shtetasin me iniciale GS, në fshain Mbers të Fierit. Ndaj tij, Prokuroria pranë Gjykatës së Rrethit Gjyqësor Fier, më datë 15.12.2021 nxori urdhr për ekzekutimin e vendimit të datës 19.11.2012, të kësaj gjykate, vendim ky që u rikthye në fuqi në vitin 2021, nga Gjykata e Lartë, e cila e dënoi Panaorin me 10 vjet burgim, për veprën penale “Vrasja me dashje”, nga të cilat i kanë mbetur për të kryer edhe 3 vjet e 4 muaj. Ky shtetas u vendos në pranga falë informacioneve të siguruara nga Policia Kufitare e Vlorës, përmes inteligjencës informative, teksa ai po tentonte të futej në Shqipëri, përmes portit të Vlorës. 45-vjeçari iu dorzua shërbimeve të policisë Fier, për veprime të mëtejshme procedurale, ndërkohë vijon puna aga ana e autoriteteve për kapjen dhe vënien përpara përgjegjësisë të personave të tjerë, të shpallur në këkrim kombëtar e ndërkombëtar.