Njëri nga dy personat e arrestuar mbrëmjen e së mërkurës në zonën e Shkozës në Durrës rezulton me rrezikshmëri të lartë shoqërore. Policia e Durrësit ndau detaje në lidhje me operacionin ‘The Next Gun’, ku u sekuestrua një armë zjarri e llojit pistoletë dhe u arrestua 23 vjeçari Arbi Haxhiu dhe 39 vjeçari Aldi Mustafa. Sinkron policia - 39-vjeçari A. M., person me rrezikshmëri të lartë shoqërore, me precedentë të theksuar kriminal në fushën e krimeve kundër personit dhe armëmbajtjes pa leje. Ky shtetas ishte i shpallur në kërkim policor, i dyshuar si autor i ngjarjes së ndodhur më datë 13.08.2025, në lagjen nr. 14, Durrës, ku është vënë lëndë eksplozive banesës së shtetasit I. Gj. Policia fton qytetarët që të denoncojnë pranë saj çdo paligjshmëri, që nga dyshimet për zaptimin e hapësirave publike deri te personat me rrezikshmëri të lartë shoqërore.