Ambasadori i Ukrainës në Britaninë e madhe sqaroi të hënën komentet e mëparshme të tij për mundësinë që Ukraina të heqë dorë nga anëtarësimi në NATO duke thënë se ish republika sovjetike nuk do të rivlerësonte përpjekjet e saj për tu anëtarësuar në aleancë. I pyetur nëse ukraina mund të rikonsideronte apo jo ambicjet e saj për anëtarësim në NATO, ambasadori Vadym Prystaiko i tha BBC: Jo, kjo nuk do të ndodhë dhe unë jam i kënaqur që kam mundësinë të sqaroj pozicionin tim. Ai tha se një raport i mëhershëm i BBC ishte rezultat i një keqkuptimi. “Ne nuk jemi vend anëtar i NATOs në këtë moment dhe për të evituar luftën ne jemi gati të bëjmë shumë lëshime, e për këtë qëllim ne po bisedojmë me Rusët”, tha Pristaiko. “Kjo nuk ka të bëjë me NATO-n, pasi ambicja për anëtarësim në aleancë është e shkruar edhe në kushtetutë”. Nuk bëhet fjalë për të shtyrë në kohë ambicjet tona për anëtarësim, ajo që ne po themi është se nuk jemi në familje për momentin ndaj duhet të kërkojmë dicka tjetër si psh marrëveshje dypalëshe me britaninë, SHBA, etj – vijoi ai. “Pra në pritje të anëtarësimit ne po shohim për marrëveshje të tjera që do të na lejonin të mbijetonim në një situatë kritike si kjo e tanishmja”. I pyetur nëse Ukraina po lëkundej në përpjekjen e saj për tu bërë anëtare e NATO-s, ambasadori u përgjigj prerë: Jo!.