Zbardhja e dinamikës së plotë të grabitjes me dhunë të karburantit në autostradën Tiranë-Durrës, mëngjesin e së dielës, ka nxjerrë në pah një prapaskenë të pazakontë të ngjarjes. Nga hetimet e efektivëve të policisë, ka rezultuar se grabitja është inskenuar nga vetë menaxheri i karburantit, Gert Farruku, 23 vjeç. Nga mbledhja e provave ka rezultuar se për një periudhë dy mujore, menaxheri Farruku ka vjedhur sistematikisht firmën ku punonte, duke deklaruar fitim më të vogël sesa ai faktik. Paratë e vjedhura nga karburanti, i ka humbur duke luajtuar lojëra fati. Për të justifikuar sasinë e parave, që i mungonin arkës së biznesit, por edhe për të shlyer borxhet në kumar, 23 vjeçari ka inskenuar grabitjen e pikës së karburantit, duke krijuar një skenë ku një person i maskuar vidhte me dhunë xhiron ditore. Krahas menaxherit të firmës, Gert Farruku, në pranga ka rënë edhe vetë pronari Arsid Haxhija, 22 vjeç. Nga hetimet e mëtejshme rezultoi se xhiron e padeklaruar që vidhte Gert Farruku, e luante në lotari të palejuara në lokalin në pronësi të Arsid Haxhija.