Askush nuk mund të mohojë dhe as harrojë atë që ka ndodhur në Recak. Në cdo përvjetor, liderët kosovarë, përfaqësues ndërkombëtarë, por edhe të mbijetuar të masakrës, kthehen dhe nderojnë viktimat, për të cilat kërkohet ende sot, drejtësi. Një nga personalitetet që nuk mungon asnjëherë të thotë dicka në përvjetorin e maskrës së Recakut, është Uilliam Ëalker, ish ambasadori që denoncoi krimin, që i hapi rrugë ndërhyrjes së NATO-s në serbi. "Reçaku zë një vend shumë të veçantë në zemrën time edhe në përvojën time. E mbaj mend shumë mirë ceremoninë e parë përkujtimore në të cilën shkova. Ishte një ditë dimri, e ftohtë. Toka ishte e mbuluar me akull, mund të rrëshqisje. Por aty ishte një turmë prej rreth 15 mijë njerëzish, që kishin ardhur për të nderuar viktimat e për të shprehur dhimbjen e tyre. Uolker, nuk ishte i pranishëm fizikisht në Recak këtë vit, dhe foli përmes lidhjes video dhe tha se nuk mundej kurrsesi të mungonte. Ndërsa për presidenten Vjosa Osmani, 23 vite më parë, bota kuptoi se cfarë po bënin serbët në kosovë.