Adrian Hila u paraqit në polici, ku para grupit hetimor dha versionin e tij tij lidhur me videot intime që kanë qarkulluar së fundmi në rrjet, ku kompozitori shihet në aktë intime me personazhe të ndryshme. Para hetuesve, Hila ka pranuar se ka qenë ai që ka vendosur kamerat në banesën e tij, por ka mohuar që qëllimi i tyre të ketë qenë regjistrimi i momenteve intime. Sipas dëshmisë së tij, kamerat janë vendosur në vitin 2022 për arsye sigurie, pas rasteve të vjedhjeve të regjistruara në zonën ku banonte. Ai ka deklaruar se bëhej fjalë për kamera të thjeshta, të vendosura në ambiente të ndryshme brenda dhe jashtë banesës, të cilat funksiononin online, por sipas tij, nuk ruanin pamjet në memorie. Sa i përket videove që janë publikuar, Hila ka thënë se është vënë në dijeni për to nga miqtë dhe ka mohuar se materialet janë publikuar prej tij.