Policia në të gjithë Evropën arrestoi 43 persona dhe sekuestroi 520 milionë euro në një hetim europian për një komplot kriminal për shmangien e TVSH-së përmes pastrimit të parave dhe aktivitetit mafioz, tha të enjten zyra e prokurorit publik europian dhe policia italiane. Ata thanë se hetimi ka të bëjë me mashtrim tatimor në tregtimin e produkteve të IT-së dhe pajisjeve elektronike brenda BE-së dhe përfshin rreth 400 kompani me 200 të dyshuar, kryesisht në Itali dhe disa vende evropiane, por edhe në Emiratet e Bashkuara Arabe. Sipas prokurorëve europianë, të arrestuarit po përballen gjithashtu me akuza për bashkëpunim me Camorrën, me bazë në Napoli dhe Cosa Nostra-n siciliane, duke investuar fitimet e tyre në mashtrimin e TVSH-së. Shumë hetime në Itali kanë treguar vitet e fundit sesi mafiozët kanë lëvizur në mënyrë agresive në botën me rrezik të ulët të krimit të jakave të bardha. “Ka kaluar kohë që kur filloi të bjerë kambana e alarmit për përfshirjen e grupeve të rrezikshme të krimit të organizuar në mashtrime ndaj buxhetit të BE-së”, tha Kryeprokurorja evropiane Laura Kövesi në një deklaratë.