Pesë muaj pasi Trump i hoqi sanksionet e vendosura ndaj ish-liderit të serbëve të Bosnjës, Milorad Dodikut familjarëve dhe bashkëpunëtorëve të tij, një grup dy partiak senatorësh dhe kongresmenësh amerikan i kanë bërë thirrje administratës së presidentit amerikan që të rikthejë masat ndëshkuese, Kërkesa ndaj Dodikut vjen me argumentin se ai sipas shkresës së depozituar po minon paqen dhe sigurinë e Ballkanit. Në një letër të publikuar nga Komiteti për Punë të Jashtme i Senatit amerikan, ligjvënësit i kanë kërkuar Sekretarit amerikan të Thesarit, Scott Bessant dhe Sekretarit amerikan të Shtetit, Marco Rubio që të sanksionohet Dodiku në përputhje me ligjin federal. Iniciativa është shtyrë përpara nga senatorja demokrate, Jeanne Shaheen, dhe senatori republican, Thom Tillis. Në mesin e nënshkruesve janë edhe: Chuck Grassley, Roger Ëicker, Dick Durbin, Elizabeth Earren, Mike Turner dhe Ann Ëagner. Ligjvënësit amerikanë pretendojnë se Dodiku i ka vazhduar veprimet që “minojnë direkt Marrëveshjen e Dejtonit”, përfshirë avokimin për ndarjen e Republikës Sërpska – entitetit serb të Bonje dhe Hercegovinës, duke sfiduar juridiksionin e institucioneve shtetërore, dhe duke shkelur Aktin e Autorizimit për Mbrojtje Kombëtare të vitit 2026. “Ndonëse e kuptojmë që heqja e sanksioneve mund të jetë nxitur nga dëshira për stabilitet më të madh politik në Bosnje, veprimet e Dodikut e demonstrojnë qartë që ai nuk ka qëllime për ta ndjekur atë rrugë”, thuhet në letër.