Top News – Hapësirat publike në plazhet e vendit/ Nisin procedimet penale për disa administratorë

Dita e dytë e operacionit masiv policor “Bregdeti ynë”, për lirimin e hapësirës bregdetare të zaptuar në mënyrë të kundraligjme, ka bërë që procedohen penalisht administratorët e subjekteve që operonin pa leje për përdorimin e hapësirës publike nga portali e-albania, për veprën penale “Pushtimi i tokës”. Janë proceduar penalisht 13 administratorë subjektesh në Seman, Darzezë dhe Divjkë si dhe 8 administratorë në Vlorë, Himarë dhe Sarandë. Këtë të mërkurë 2 grupe të posaçme të forcave të ndërhyrjes së shpejtë dhe të focave speciale “Shqiponjat” zbarkuan në zonat bregdetare nga veriu në jug për të kryer kontrolle të imtësishme të bizneseve që operojnë në bregdet. Subjekti kryesor i kontrolleve ka qenë pajisja e bizneseve me lejen e përdorimit të hapësirës bregdetare.