Kryeministri izraelit, Benjamin Netanyahu e ka quajtur propagandë mizore psikologjike’ një video të re të publikuar të hënën nga Hamasi, ku shihen tre pengje të marra nga lëvizja islamike më 7 tetor. Videoja tregon tre gra, të identifikuara nga Netanyahu si Jelena Trupanob, Danielle Aloni dhe Rimon Kirsht, të ulura pranë njëra tjetrës, me njërën prej tyre që i dha një mesazh të zemëruar kryeministrit. Duke akuzuar Netanyahun se ka dështuar të mbrojë qytetarët e Izraelit gjatë sulmit vdekjeprurës të Hamasit dhe se ka dështuar ti kthejë në shtëpi ata, ajo kërkoi një marrëveshje për të siguruar lirimin e tyre në këmbim të të burgosurve palestinezë. “Ju supozohet se duhet të na lironi të gjithë ne. Ju keni premtuar se do të na lironi. Por në fakt ne po mbajmë mbi shpinë dështimin tuaj politik, ushtarak e diplomatik”, tha ajo.