Dukeshat britanike janë vënë gjithmonë në qendër të vëmendjes për aparencën e tyre, duke u kthyer kështu në një model për të apasionuarit pas modës. Pas disa javësh aktivizimi në Zoom për shkak të pandemisë, dukesha e Kembrixhit zbriti në terren për të kryer detyrat e saj dhe ajo çfarë tërhoqi vëmendjen e të gjithëve, ishte pikërisht veshja e saj. Ndryshe nga herët e tjera, ku klasi dhe eleganca personifikonte dukeshen, këtë herë veshja e Kate Middelton, është gjykuar si ‘e dështuar’ duke patur parasysh dhe postin që ajo mbart. E veshur me një jelek, xhinse të zeza, atlete jeshile, një këmishë të thjeshtë dhe me flokët gjysmë të kapura, mediat britanike kanë shkruar se dukesha nuk ishte aspak në nivelin që duhej. Përpos kritikëve, ka patur dhe nga ata që e kanë komentuar pozitivisht veshjen e dukeshës, duke shprehur se ajo përpiqet të paraqesë thjeshtësi dhe të jetë sa më pranë popullit me çdo lloj forme të mundhshme.