Sekretari amerikan i shtetit, Antony Blinken, ka dalë me një deklaratë pas vendimit të Departamentit të Thesarit të ShBA-së për të futur në listë sanksionesh rrjetet e korrupsionit në Evropë përfshirë edhe grupin e krimit të organizuar në veri të Kosovës që drejtohet nga vëllezërit Zvonko Veselinoviç dhe Zharko Jovan Veselinoviç. Blinken ka thënë se ky është vëtëm fillimi dhe se para Samitit për Demokracinë këtë javë ShBA është duke vendosur sanksione ndaj 16 individëve dhe 24 subjekteve. Kryediplomati amerikan thotë se SHBA do të shfrytëzojë të gjitha mjetet për të thyer lidhjet mes aktivitetit kriminal dhe korrupsionit.