Policia greke ka arrestuar tre shtetas shqiptarë, të cilët shpërndanin lloje të ndryshme drogërash në ishullin e famshëm të Mikonosit. Sipas njoftimit të policisë greke, 3 shqiptarë të moshave 25, 27 dhe 32 vjeç kanë rënë në prangat e policisëm ndërsa u sekuestruan sasi të ndryshme dozash me kokainë, kanabis dhe metamfetaminë Kristal. Pas marrjes së informacionit se në Mikonos operonte një rrjet kriminal që shpërndante lëndë narkotike, policia helene organizoi punën duke identifikuar fillimisht rolin e anëtarëve të grupit dhe më pas I arrestuan. Në njoftimin e dhënë për mediat fqinje, autoritetet thanë se grupi kriminal shqiptar ishte shtrirë në të gjitha vendet e aktiviteteve turistike dhe shpërndante drogën në hotele, bare e restorante. Vendi që shqiptarët tashmë të arrestuar kishin zgjedhur për të fshehur drogën ishte duke e groposur nën tokë.