Gratë në Afganistan do të lejohen të studiojnë vetëm në universitete, ku klasat do të jenë të ndara në bazë të gjinisë dhe veshja islamike do të jetë e detyrueshme, deklaroi të dielën një anëtar i qeverisë së re të talibanëve. Abdul Baqi Haqqani prezantoi këto politika të reja gjatë një konference në Kabul, disa ditë pasi talebanët formuan një qeveri, të përbërë krejtësisht nga meshkuj.Bota po shikon nga afër se si do të veprojnë talibanët ndryshe nga hera e parë kur e kishim pushtetin më 1996-2001. Gjatë asaj kohe gratë dhe vajzat nuk kishin të drejtë të shkolloheshin dhe të merrnin pjesë në jetën publike. Taleanët kanë sugjeruar se kanë ndryshuar, përfshirë edhe qasjen e tyre ndaj grave. Haqqani, që është përgjegjës për edukimin, tha se talibanët nuk duan ta kthejnë kohën 20 vjet pas. “Ne do të ndërtojmë mbi gjërat që tashmë ekzistojnë”, tha ai. Megjithatë, studentet femra do të përballen me kufizime nën sundimin taleban, përfshirë edhe kodin e veshjes islamike që do të jetë i detyrueshëm. Sipas tij, nëse nuk ka mësuese gra, atëherë do të aplikohen masa të posaçme që do të sigurojnë ndarjen.