Një grabitje është regjistruar mëngjesin e së dielës në një pikë karburanti në Durrës. Ngjarja ka ndodhur rreth orës 09:00 në fshatin Fllakë. Sipas të dhënave të policisë kanë qenë dy persona të cilët nën kërcënimin e mjeteve të forta të punonjsit të karburantit, kanë vjedhur një shumë parash që gjendeshin në arkë. Mësohet se ata kanë arritur të marrin shumën ditore të karburantit dhe më pas janë larguar. Policia ka mbërritur në vendin e ngjarjes dhe pas kryerjes së veprimeve paraprake po heton në lidhje me rastin, si dhe identifikimin dhe arrestimin e autorëve. Pika e karburantit ishte e pajisur me kamera sigurie dhe për identifikimin e autorëve, do të këqyren e dhe pamjet filmike. Ndërkaq një punonjësi që ka ardhur në pikën e karburantit në Fllakë menjëherë pas ngjarjes, ka pohuar se është vënë ne dijeni përmes telefonit se aty kishte ndodhur një problem. Ai thotë se kur ka mbërritur ka gjetur policinë duke kryer veprimet hetimore dhe se nuk e di për cfarë shume të grabitur bëhet fjalë. Punonjësi pohon se nuk kanë pasur ndonjëherë tjetër problem të kësaj natyre.