Detaje të reja janë zbuluar në lidhje me grabitjen e filialit të postës shqiptare këtë të hënë në zonën e Kamzës në Tiranë. Policia bën me dije se autori i ngjarjes, nën kërcënimin e armës, mori një shumë parash prej më shumë se 1 milionë lekë të vjetra dhe më pas u largua me shpejtësi. Ngjarja ndodhi rreth orës 14:20 pranë shkollës ‘Ibrahim Rugova’, nga një person që ende nuk është identifikuar nga policia. Kamerat e sigurisë të cilët filmuan veprimin e grabitjes, fiskuan edhe autorin e kamufluar me një kapuc në kokë dhe maskë anticovid. Policia në njoftimin zyrtar të bërë pas grabitjes, njoftoi se autori nuk ka ushtruar dhunë fizike ndaj punonjësës së postës dhe se deri më tani dyshohet se arma ka qenë false dhe jo reale. Efektivët kanë ngritur pika kontrolli në hyrje dhe dalje të Kamzës për të bërë identifikimin dhe arrestimin e autorit. Kamerat e sigurisë në zonën përeth po ashtu, po kontrollohen prej disa orësh nga policia.