Policia e Elbasanit ka goditur një grup, i cili trafikonte droga të forta, kryesisht kokainë. Gjatë operacionit të koduar “Bulevardi”, u arrestuan tre persona, bëhet e ditur ngapolicia, ku mësohet se në cilësinë e provës materiale u sekuestruan 2 armë zjarri, municion luftarak, lëndë narkotike kokainë dhe 4 aparate celular. Mesohet se arrestimi I të dyshuarve u realizua pas një operacioni që u zhvillua pas 5 muajsh hetime. Personat e arrestuar janë shtetasit: Gezim Mama, 34 vjeç, Hekuran Halili, 44 vjeç dhe Simon Stefa, 54 vjeç, te tre nga Elbasani. “Gjatë kontrollit në banesën e shtetasit S. S. u gjetën dhe sekuestruan dy armë zjarri pistoletë, një sasi fishkësh dhe një sasi lënde narkotike kokainë e ndarë në doza. Nga hetimet e kryera është dokumentuar me prova ligjore veprimtaria kriminale e këtyre shtetasve, të cilët merreshin me shpërndarjen e kokainës në qytetin e Elbasanit. Sakaq bëhet e ditur se materialet procedurale i kanë kaluar për ndjekje të mëtejshme Prokurorisë pranë Gjykatës së Shkallës së Parë Elbasan, për veprat penale ‘Prodhimi dhe shitja e narkotikeve” dhe “Armëmbajtja pa leje”.