Një e ashtuquajtur gjysmë-nëndetëse me kokainë në bord, që kap një vlerë prej më shumë se 60 milionë dollarësh, është gjurmuar dhe ndaluar pranë brigjeve të kolumbisë. Një gjysmë-nëndetëse është një lloj anijeje, që mund të zhduket nën sipërfaqen e ujit dhe të tilla, janë shfaqur disa kohët e fundit, në përdorim të trafikantëve të drogës. Marina e pikasi anijen me më shumë se 1.8 tonë kokainë, në brigjet e paqësorit në Narinjo, në jug perëndim të vendit. Ndalimi i saj, parandaloi hedhjen në treg dhe konsumin e më shumë se 4.5 milionë dozave që do të përfundonin në vendet e rajonit. Kur ekuipazhi i anijes kuptoi që po ndiqej nga forcat e sigurisë, u hodh në det dhe u largua. Kolumbia është eksportuesja më e madhe e kokainës në botë. Vetëm në 2009-ën, vlerfësohet se 70 për qind e të gjithë kokainës së botës, vinte nga ky vend.