Enkeleda Kapedani, gjyqtarja e cila vetëm pak ditë më pare theu rrjetin me videot Tik Tok, ku korridoret e Gjykatës së Elbasanit, u kthyen në paradë mode dhe ekspozimi veshjesh luksoze, duket se nuk do i shpëtojë lehtë drejtësië shqiptare. Inspektoriati i Lartë i Drejtësisë dorëzoi në Këshillin e Lartë Gjyqësor kërkesën për pezullim dhe shkarkim nga detyra të magjistrates. Kërkesa për shkarkim nga detyra bazohet në nenin numër 152, sipas të cilit “Kur ka dyshim të arsyeshëm se vazhdimi i magjistratit në detyrë …. diskrediton rëndë figurën dhe pozitën e magjistratit, Inspektori i Lartë i Drejtësisë kryen menjëherë një hetim paraprak për të verifikuar besueshmërinë e burimit të informacionit”