Enkeleda Hoxha pa asnjë mëdyshje mund të konsiderohet si gjyqtarja e skandaleve në Drejtësi për shkak të disa vendimmarrjeve të saj lidhur me disa personazhe të botës së krimit. Lirimet nga burgu të disa eksponentëve të krimit, vendimi për të cilët është dhënë pikërisht prej gjyqtares së Krujës përkundrejt vlerave monetare janë tashmë nën hetim nga SPAK, ndërsa bashkë me të ka shumë persona të tjerë. Të gjithë bashkë përbënin një skemë të mirëfilltë kriminale, në të cilën ishin përfshirë avokatë e sekretarë gjyqësore, mjekë dhe ekspertë e deri në fund që vulën e jepte gjyqtarja Hoxha. Për dy vjet me radhë, kjo gjyqtare, që ende nuk kishte dalë në vetting ka bërë kërdinë me lirimet para kohe të Indrit Dokles, Genci Tafilit, Ilir Pajës, apo edhe të Hekuran Billës. Por, ra në kurth pas përgjimeve, teksa përgatitej të lironte edhe një tjetër të dënuar që ishte ekstraduar nga Italia dhe dënuar me 25 vjet heqje lirie për një vrasje. Enkeleda Hoxha, me të njëjtën mënyrë, si rastet e tjera po tentonte lirimin e tij nga burgu, duke argumentuar sjelljen e mirë. Por, sa vite burg rrezikon gjyqtarja e krujës. Sipas nenit 244 të Kodit Penal, parashikohet që korrupsioni i personave që ushtrojnë veprimtari publike dënohet nga 6 muaj deri në 3 vjet heqje lirie. Edhe pse dënimi duket pak në vite burg, por ka edhe dënime të tjera me karakter administrativ, sikurse është moskthimi në detyrë dhe humbja e të drejtës për angazhim publik për një periudhë 15 vjecare.