Sekretari i përgjithshëm i Partisë Socialiste, Damian Gjiknuri udhëtoi drejt Uashingtonit, për të marrë pjesë në një forum politik krah kryeministrave dhe ministrave të Ballkanit Perëndimor. Në Shtetet e Bashkuara të Amerikës, Gjiknuri u prit nga kongresmeni republikan, Robert Aderholt, i cili është edhe bashkëkryetar i grupit të çështjeve shqiptare në Kongresin Amerikan. Në postimin e tij, në rrjetet sociale Gjiknuri e cilëson Aderholt si një mik të mirë të Shqipërisë. Tema e forumit të organizuar në Uashington lidhej me agresionin rus në territorin ukrainas. Kryeministrat, ministrat apo edhe deputetët e vendeve të Ballkanit Perëndimor diskutuan sesi mund të bashkërendojnë forcat për të kundërbalancuar agresionin rus në Ukrainë dhe influencën malinje të Kinës në Europë.