Ndërsa kanadaja e ka legalizuar kanabisin tre vite më parë, debati është ndezur tani edhe në gjermani nëse kjo e fundit do të ndjekë modelin e saj. Në Gjermani, lejohet vetëm kanabisi mjekësor me recetë e rregulla të rrepta, pjesa tjetër e tregtisë të kanabisit zhvillohet në ilegalitet. Tani tre partitë gjermane që zhvillojnë bisedimet për koalicionin e ardhshëm qeveritar, socialdemokratët, Të Gjelbrit dhe liberalët pritet të trajtojnë në bisedime edhe legalizimin e kanabisit. Për të Gjelbrit gjermanë, që kanë si model Kanadanë, është më mirë që kanabisi të legalizohet dhe të ketë kontroll. Si të Gjelbrit edhe liberalët mbështesin legalizimin e kanabisit në dyqane të liçencuara për përdorim vetjak të të rriturve. Partneri më i madh në një koalicion të mundshëm, socialdemokratët tregohet i hapur për këtë legalizim, por do ta testojë këtë njëherë në projekte model tek të rriturit. SPD thotë në programin e saj, se konsumi i kanabisit është "realitet shoqëror", prandaj për këtë do gjetur një përgjigje adekuate politike. Ekspertët megjithatë paralajmërojnë se një gjë e tillë mund të ketë pasoja të padëshirueshme ndërsa mediat gjermane theksojnë se legalizimi, nëse bëhet, duhet të bëhet i kontrolluar.