Një total prej mbi 12 mijë kërkesash për kundërshtim sipas ndërgjegjes personale janë paraqitur në Gjermani nga janari deri në gusht të këtij viti, raporton DË duke cituar zyrë federalë. Dhe ky numër është tashmë sa trefishi i kërkesave të paraqitura gjatë gjithë vitit të kaluar. Në vitin 2025 u regjistruan 3.879 kërkesa, krahasuar me 2.249 në vitin 2024. Kërkesat për kundërshtim nuk paraqiten vetëm nga rezervistët dhe ushtarët aktivë, por edhe nga persona që nuk kanë shërbyer kurrë në ushtri, ndonëse shërbimi i detyrueshëm ushtarak aktualisht nuk ekziston në vend. Një nga arsyet kryesore të rritjes së numrit të kërkesave mendohet të jetë përkeqësimi i situatës së sigurisë, si dhe hyrja në fuqi e Aktit të ri të Shërbimit Ushtarak më 1 janar të këtij viti. Pjesa qendrore e ligjit është kontrolli i detyrueshëm mjekësor dhe ushtarak për të rinjtë e lindur në vitin 2008 dhe më pas. Qëllimi është të sigurohet një numër i mjaftueshëm vullnetarësh për forcimin e ushtrisë gjermane, Bundesëehr-it. Nëse objektivi i numrit të ushtarëve nuk arrihet, Bundestagu mund të aktivizojë të ashtuquajturin "detyrim ushtarak të bazuar në nevoja”. Gjermania dhe ushtria e saj përpiqen të intensifikojnë rekrutimin, prokurimin dhe shpenzimet për mbrojtjen, për të përmbushur objektivat e reja të NATO-s, për të kënaqur administratën e Donald Trump-it dhe për t'iu përgjigjur kërcënimeve të perceptuara nga Rusia e më gjerë. Deri në mesin e viteve 2030, Gjermania synon të rekrutojë rreth 70,000 trupa shtesë me kohë të plotë krahas atyre që ka aktualisht në shërbim, për të arritur një forcë aktive prej rreth 260,000 ushtarësh, plus rreth 200,000 rezervistë. Por shumëkush, mes tyre edhe ministri i mbrojtjes Boris Pistorius, është i shqetësuar se ky objektiv është i vështirë të arrihet pa rikthyer një formë të shërbimit të detyrueshëm ushtarak.