Ura e re e Gjenovas, e ndërtuar pas kolapsit vdekjeprurës të një pjese të saj dy vite më parë, u rihap për qarkullimin por kritikët thonë se nuk është bërë sa duhet që nga katastrofa e 2018 për të ringritur infrastrukturën e lodhur tashmë të Italisë. Makinat e para kaluan strukturën e hekurt pak pas orës 21.00, thuajse dy vite nga dita kur ura morandi u shemb gjatë shirave të rrëmbyeshëm duke hedhur dhjetëra makina në zbrazëti dhe duke vrarë 43 persona. Ura e san Giorgos, e projektuar nga arkitekti i famshëm italian Renzo Piano, u inaugurua të hënën. Por shumë nga familjarët e viktimave refuzuan të merrnin pjesë në ceremoni duke thënë se ajo linte në hije tragjedinë e 2018.