Gjermania do të përballet me disa muaj të vështirë për shkak të koronavirusit, paralajmëroi kancelarja gjermane, Angela Merkel."Gjermania deri më tani e ka kaluar pandeminë relativisht mirë falë sjelljes jashtëzakonisht të përgjegjshme të qytetarëve në muajt e fundit, por ne shohim tani që po vjen vjeshta, një fazë e vështirë është përpara", i tha Merkel parlamentit gjerman.Gjermania raportoi 1.798 raste të reja me koronavirus të mërkurën sipas tw dhwnavw tw Institutit për sëmundjet infektive, Robert Koch.Të martën, kancelarja diskutoi me udhëheqësit e 16 landeve për të fuqizuar masat kundër pandemisë. Kufizimet synojnë të shmangin “me çdo kusht” një izolim mbarëkombëtar, tha Merkel, duke shtuar se ruajtja e ekonomisë është përparësi. Numri i përgjithshëm i të infektuarve në Gjermani ka arritur në mbi 280 mijë ndërsa mbi 9 mijë persona kanë vdekur.Ndër masat që parashkiojne autoritetet gjermane është kufizimi i numrit të personave në tubimet private dhe publike.