Numri dy i qeverisë, Belinda Balluku u ndal në një konferencë për energjinë elektrike në Shkup të Maqedonisë së Veriut nga ku shpalosi së bashku me homologun e saj, Fatmir Bytyqi, projektet me rëndësi të veçantë për dy vendet në fushën e energjisë. “Maqedonia e Veriut dhe Shqipëria kanë nisur prej kohësh të bashkëpunojnë sidomos përsa i përket projektit të ri, i cili është projekti i portit të Vlorës, ku parashikohet një gazifikim i lundrueshëm, i cili do të ketë edhe zhvillime të tjera, si distribucioni i gazit të lëngshëm në vende të tjera të rajonit, ashtu edhe prodhimi i energjisë elektrike përmes molekulave që do të vijnë nga Shtetet e Bashkuara të Amerikës. Unë të falënderoj shumë për mundësinë e dhënë sot. Zëvendëskryeministri Bytyqi nënvizoi domosdoshmërinë e avancimit të punës për korridorin e tetë.