Një gazetë e njohur investigative në Rusi, Novaya Gazeta, tha të hënën se zyrat e saj në moskë ishin vënë në shënjestër të një sulmi kimik. “Në mëngjes, një sulm kimik u krye mbi godinën ku zyrat tona ndodhen”, tha kryeredaktori i gazetës së pavarur, Dimitry Muratov në një deklaratë. Ai shtoi se agjencitë e ruajtjes së ligjit po inspektonin substancën që ishte derdhur në hyrje të fazetës dhe se pasojat ishin aq të forta sa që aroma e tmerrshme mund të ndjehej deri në fund të rrugës. Muratov nuk deklaroi hapur se kush mendonte se qëndronte pas sulmit, por kishte nënvizuar më herët të hënën se tre OJQ kanë ngritur padi kundër grupit mercenar rus Ëagner, në lidhje me torturat dhe vrasjet e një të burgosuri në siri, bazuar në artikujt e gazetës.Denis Korotkov, një gazetar i Novaya Gazeta, kishte shkruar artikuj për Ëagner, një grup i fshehtë me lidhje me kremlinin që është dislokuar në zona konflikti në afrikë, lindjen e mesme dhe ukrainë. Novaya Gazeta, që është themeluar në 1993, është përballur me shumë sulme në zyrat dhe gazetarët e saj gjatë viteve. Në 2006, një gazetare e njohur e saj, Ana Politkovskaja, që hetonte presidentin putin dhe taktikat e kremlinit në ceceni, u vra në hyrjen e shtëpisë së saj në moskë. Më pas, në 2017, editorialistja e saj Yulia Latynina u largua nga rusia pas një serie sulmesh, mes të cilave djegia e makinës së saj dhe hedhja e një kimikati në shtëpinë e saj. Në një tjetër incident në 2018, një kurorë funerali dhe disa koka të prera dhish ishin lënë jashtë zyrave të gazetës.